Z kastryčnika ź Minska buduć lotać čartary na treci jehipiecki kurort
Z kastryčnika čartarnaja avijaprahrama źviaža Minsk i Marsa-Ałam. Samaloty buduć lotać z 16 kastryčnika — łancužok raźličany na 10/11 načej, paviedamlaje toursoyuz.by.
07.08.2023 / 14:06
Fota: Michaił Hanicki, UNIAN
«Aerabiełservis» na kryłach «Biełavii» ažyćciaŭlaje ź Minska niekalki čartarnych prahram na jehipieckija kurorty ŭ Churhadu i Šarm-el-Šejch.
Adnak u 2021 hodzie «Biełavija» ŭžo ažyćciaŭlała čartarnyja paloty na hety kurort.
Marsa-Ałam — dosyć novy kurort na Čyrvonym mory. Infrastruktura kurorta, jaki raźmieščany za 260 kiłamietraŭ na poŭdzień ad Churhady, pačała adbudoŭvacca z 2001 hoda. Hałoŭnaja słavutaść kurorta — karałavyja ryfy z bahataj fłoraj i faŭnaj.
Bolšaść hatelaŭ kurorta majuć ułasnyja buchty, jakija abaraniajuć kompleksy ad zimovych viatroŭ.
Na rejsach ź Biełarusi ŭ Jehipiet dziejničajuć nastupnyja normy pravozu bahažu:
- bahaž na 1 čałavieka — 14 kh,
- ručnaja pakłaža — 5 kh.