DTZ pad Rečycaj — adzin čałaviek zahinuŭ, čaćviora paciarpieli
Zdareńnie adbyłosia ŭ paniadziełak pad Sałtanovam.
08.08.2023 / 07:03
Vidavočcami DTZ stali ratavalniki, jakija viartalisia ŭ padraździaleńnie z vykliku. Jany pabačyli, što ŭ lehkavym aŭto zabłakavany kiroŭca, a ŭ mikraaŭtobusie — i kiroŭca, i pasažyr, jak paviedamlaje MNS.
Napeŭna, vadziciel lehkavoha aŭtamabila nie dała rady kiravańniu i vyjechała na pałasu sustrečnaha ruchu.
43-hadovuju žančynu, kiroŭcu lehkavika, dastali z mašyny z dapamohaj hidraŭličnaha instrumientu i pieradali miedykam. Jaje muž zdoleŭ vybracca z aŭtamabila samastojna. Paciarpiełyja z traŭmami roznaj stupieni ciažkaści špitalizavanyja.
Ź mikraaŭtobusa supracoŭniki MNS vyzvalili 37-hadovaha kiroŭcu i 55-hadovuju žančynu i taksama pieradali rabotnikam chutkaj. Jašče adna 53-hadovaja pasažyrka zahinuła na miescy.