Dzie ŭ Minsku možna zdać leki sa skončanym terminam prydatnaści
Praterminavanyja preparaty pieradajuć na termičnaje abiasškodžvańnie. Tak miedycynskija adkidy nie trapiać u hlebu i hruntavyja vody.
09.08.2023 / 08:11
Śpiecyjalnyja kantejniery ŭstanoŭleny ŭ aptekach, jakija znachodziacca ŭ viestybiulach stancyj mietro «Mahiloŭskaja», «Maładziožnaja», «Partyzanskaja», «Aŭtazavodskaja» i padziemnych pierachodach st. mietro «Kuncaŭščyna», «Kamiennaja horka», «Uručča».
Taksama punkty pryjomu raźmieščany na vuł. Bakinskaja, 20-1, vuł.Matusieviča, 90, pam. 5N i vuł. Prytyckaha, 17a-2.
Šukać bližejšyja adrasy, dzie možna pravilna utylizavać leki, taksama možna ŭ čat-bocie telehram «Kudykinuć?».
U Minpryrody adznačyli, što pieralivać abo vyciskać preparaty nie treba. Varta prynosić «praterminoŭku» ŭ pieršapačatkovaj ŭpakoŭcy.