Hrozny (razburany Rasijaj u 1995 hodzie) i Maryupal (razburany Rasijaj u 2022-m) stali haradami-pabracimami
Mer Hroznaha Chas-Mahamied Kadyraŭ i kiraŭnik administracyi anieksavanaha Maryupala Aleh Marhun padpisali pahadnieńnie ab supracoŭnictvie i ŭstalavańni pabracimskich adnosin pamiž haradami, paviedamlaje TASS.
09.08.2023 / 12:43
U maryupalskaj balnicy. Fota: Jaŭhien Małaletka / AR
Pahadnieńnie było padpisana ŭ Maryupali padčas rabočaj pajezdki členaŭ urada Čačenskaj respubliki na terytoryju Danbasa. Jak raspaviali ŭ pres-słužbie meryi Hroznaha, dakumient praduhledžvaje «ŭsiebakovaje raźvićcio mižmunicypalnych supracoŭnictva ŭ intaresach abodvuch haradoŭ».
U ramkach supracoŭnictva płanujuć ustalavać i raźvivać kantakty pamiž haradami ŭ śfierach adukacyi, kultury, sportu, achovy zdaroŭja i sacyjalnaj abarony.
«Taksama praduhledžany abmien delehacyjami z metaj vyvučeńnia najlepšych municypalnych praktyk», — adznačyli ŭ meryi.