Hajdukievič prapanavaŭ, kab kandydataŭ u prezidenty mahli vyłučać tolki aficyjnyja partyi i hramadskija arhanizacyi
Kiraŭnik praŭładnaj Libieralna-demakratyčnaj partyi i deputat Pałaty pradstaŭnikoŭ Aleh Hajdukievič padčas pasiadžeńnia «štaba patryjatyčnych sił Respubliki Biełaruś» vykazaŭ prapanovu, jak zrabić tak, kab u prezidenty ŭ Biełarusi nie mahli navat tearetyčna bałatavacca ludzi, nie zaćvierdžanyja źvierchu.
09.08.2023 / 19:58
Aleh Hajdukievič
Hajdukievič, viadoma, nie suprać vybarčaj kankurencyi, ale jana «pavinna być zdarovaj, ščyraj i nakiravanaj na karyść krainy, a nie na šou i papulizm». Adpaviedna z hetym i prapanova:
«Na zakanadaŭčym uzroŭni my vyznačyli, što kandydatam u prezidenty moža być čałaviek, jaki sabraŭ 100 tys. podpisaŭ, ale hetaha niedastatkova. Akramia hetaj kolkaści podpisaŭ jon pavinien być vyłučany sistemnaj palityčnaj siłaj. Jość prafsajuzy, jość bujnyja hramadskija abjadnańni, jość palityčnyja partyi».
Na jaho dumku, hetaja dadatkovaja strachoŭka daść harantyju, što ŭ vybarach buduć «udzielničać sistemnyja palityčnyja siły, a nie piataja kałona».
Čytajcie taksama:
Biełaruski błohier vyjšaŭ na «Parad roŭnaści» ŭ Varšavie z płakatam «Svabodu Hajdukieviču» FOTAFAKT
Jak by vyhladali biełaruskija palityki i prapahandysty ŭ suśviecie «Barbi» FOTY
Hajdukievič pryznačyŭ uznaharodžańnie za prymusovy pryvoz Paŭła Łatuški ŭ Biełaruś