Затрымалі жыхара Кобрына, які нядаўна вярнуўся з-за мяжы
Паводле словаў Канстанціна Біча на запісаным сілавікамі відэа, затрыманы ён нібыта за абразу супрацоўніка міліцыі ў сацсетках, піша «Вясна».
09.08.2023 / 23:03
Таксама затрыманы гаворыць, што раней прыцягваўся па адміністрацыйным артыкуле 19.11 КаАП, а таксама атрымаў штраф за тое, што вывешваў нацыянальны сцяг.
Праўладныя тэлеграм-каналы паведамляюць, што нядаўна мужчына нібыта вярнуўся ў Беларусь з краін Еўрасаюза.