Litva pastaviła na miažy ščyty z papiaredžańniami pra ryzyki pry pajezdkach u Biełaruś
9 žniŭnia litoŭskija ŭłady pastavili ščyty na miažy z papiaredžańniami pra ryzyki pry pajezdkach u Biełaruś. «Nie ryzykuj svajoj biaśpiekaj, nie jedź u Biełaruś, možaš nie viarnucca», — napisana na ščytach na litoŭskaj i anhlijskaj movach.
09.08.2023 / 23:22
Fota: facebook.com/pasienislt
«Siońnia spaŭniajecca try hady z momantu falsifikacyi prezidenckich vybaraŭ u Biełarusi. Ministerstva zamiežnych spraŭ pastaviła na pamiežnych punktach propusku Miedniki, Salečniki, Šumsk, Łavaryški, Rajhard i Ćvierač rekłamnyja ščyty z zaklikam źviarnuć na ich uvahu. Jany buduć pravodzić vas kožny raz, kali vy adpraviciesia ŭ krainu, dzie kiruje režym Alaksandra Łukašenki», — havorycca ŭ paviedamleńni Dziaržaŭnaj pamiežnaj słužby Litvy.
Fota: facebook.com/pasienislt
«U suviazi z najaŭnymi pahrozami my rekamiendujem hramadzianam Litvy ŭstrymacca ad pajezdak u Biełaruś, a tym, chto tam znachodzicca, nieadkładna pakinuć krainu, pakolki heta moža pastavić pad pahrozu vašu biaśpieku, zdaroŭje i žyćcio», — dadali ŭ viedamstvie.
Čytajcie taksama:
Litva zakryje dva pierachody na miažy ź Biełaruśsiu na nastupnym tydni
Premjer Litvy zajaviła pra miechanizm zakryćcia miažy ź Biełaruśsiu