Zrynutaha prezidenta Nihiera trymajuć u izalacyi, jon charčujecca suchim rysam i makaronaju
Machamied Bazum, jak i mnohija žychary Nihiera, užo tydzień žyvie biez elektryčnaści.
10.08.2023 / 09:13
U svaich karotkich paviedamleńniach Bazum zajaviŭ, što «pazbaŭleny ŭsich kantaktaŭ», nichto nie daje jamu narmalnaj ježy i lekaŭ, piša CNN.
Jon, jak i mnohija žychary Nihiera, užo tydzień žyvie biez elektryčnaści.
Taksama ŭ siecivie źjavilisia kadry prahułki prezidenta pad kanvojem vajskoŭcaŭ.
Machamied Bazum byŭ zatrymany ŭ prezidenckim pałacy 26 lipienia, paźniej adzin ź vierchavodaŭ pieravarotu hienierał Čyjani abviaściŭ siabie novym lidaram krainy.
Zachop ułady vajskoŭcami byŭ asudžany na mižnarodnym uzroŭni, u tym liku Francyjaj i inšymi krainami ES, a taksama AAN i ZŠA.
Francyja taksama prypyniła dapamohu Burkina-Faso, ułady jakoj padtrymali miaciežnikaŭ razam z Mali.
U niadzielu, 6 žniŭnia, tysiačy prychilnikaŭ pieravarotu sabralisia na stadyjonie imia hienierała Sejni Kunče ŭ stalicy krainy Nijamiei.
Mnohija pryjšli na stadyjon z rasijskimi ściahami, choć sama Rasija pieravarot raniej asudziła.
Čytajcie taksama:
Pieravarot u Nihiery: u prychilnikaŭ putčystaŭ zaŭvažyli rasijskija ściahi