Za ŭdzieł u pratestach zatrymali zahadčycu internata BDEU
Jana była va ŭčastkovaj kamisii na ŭčastku, dzie adbylisia falsifikacyi, ale paśla padtrymała ruch za svabodnyja vybary.
10.08.2023 / 13:53
Alena Drabudźka. Fota: jaje staronka «Ukantakcie»
Zatrymanaj Alenie Drabudźka 44 hady, rodam jana ź Biarezinskaha rajona. Skončyła minski piedahahičny ŭniviersitet. Šmat hadoŭ jana zahadvaje internatam №4 u Biełaruskim dziaržaŭnym ekanamičnym univiersitecie. U Aleny jość niepaŭnaletnija dzieci.
Jak minimum dvojčy jana była va ŭčastkovych kamisijach na vybarach. U 2019-m jana ŭznačalvała kamisiju №288, jakaja znachodziłasia ŭ studenckim internacie BDEU na vulicy Čurlonisa. Niezaležnyja naziralniki źviartali ŭvahu na anamalna vysokuju jaŭku na daterminovaje hałasavańnie ŭ studenckaj vioscy, jakaja razychodziłasia z faktyčnaj.
U 2020-m žančyna była ŭ kamisii №59, jakaja raźmiaščałasia ŭ tym ža internacie. Zhodna z infarmacyjaj płatformy «Hołas», sfatahrafavanych hałasoŭ u padtrymku Cichanoŭskaj tam było bolej, čym u vynikovym aficyjnym pratakole.
Ale paśla Alena ŭdzielničała ŭ pratestach suprać falsifikacyi vybaraŭ. Za heta žančynu i zatrymali.
Źleva naprava: Natalla Sivickaja, Alena Drabudźka, Nadzieja Staravojtava. Fota: telehram-kanał HUBAZiK
Nahadajem, 24 lipienia stała viadoma pra zatrymańnie dźviuch kandydatak fiłałahičnych navuk: Nadziei Staravojtavaj i Natalli Sivickaj. Ich abvinavacili va ŭdziele ŭ pratestach u 2020 hodzie.
Čytajcie taksama:
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ