Polskuju miažu z boku Biełarusi parušajuć mihranty z rasijskimi vizami
Pamiežnaja słužba Polščy paviedamiła, što za apošnija sutki ź Biełarusi niezakonna pierajści miažu z Polščaj sprabavali 105 mihrantaŭ. A z pačatku hoda jany vyjavili bolš za 19 tysiač sprob nielehalnaha pierachodu polska-biełaruskaj miažy.
11.08.2023 / 15:48
Fota: Michal Fludra / NurPhoto via Getty Images
«Siarod vyjaŭlenych inšaziemcaŭ za apošnija sutki byli hramadzianie Šry-Łanki, Sudana, Irana, Jehipta i Efiopii.
U mihrantaŭ niadaŭna byli aformlenyja rasijskija turystyčnyja i pracoŭnyja vizy. Jany pryjechali ŭ Biełaruś z Maskvy arhanizavanym transpartam», — adznačajecca ŭ aficyjnym paviedamleńni Polskaj pamiežnaj słužby.
U toj ža čas Słužba achovy dziaržaŭnaj miažy Litvy paviedamiła, što 10 žniŭnia jaje supracoŭniki papiaredzili niezakonny pierachod miažy z boku Biełarusi dzieviaciarych inšaziemcaŭ, a Łatvii — 49.
Čytajcie taksama:
Polšča choča adpravić na miažu ź Biełaruśsiu jašče tysiaču sałdat
Polskija pamiežniki zajavili pra šmatlikija napady na ich ź Biełarusi