Zakryćcio dvuch pierachodaŭ na miažy ź Litvoj pieranieśli
Pamiežnyja pierachody «Šumsk» («Łoša» ź biełaruskaha boku) i «Ćvierač» (ź biełaruskaha boku — «Vidzy») na litoŭska-biełaruskaj miažy płanujuć zakryć u nastupnuju piatnicu, 18 žniŭnia. Pra heta paviedamiła daradca ministra transpartu Litvy Habryele Vasilaŭskajcie.
11.08.2023 / 20:27
Fota: Viciebskaja mytnia
Pavodle słoŭ čynoŭnicy, heta papiaredniaja data, jakuju mohuć uzhadnić padčas pasiadžeńnia ŭrada 15 žniŭnia. Na pasiadžeńni budzie razhledžany prajekt časovaha zakryćcia dvuch punktaŭ propusku na litoŭska-biełaruskaj miažy.
U supravadžalnym liście Ministerstva transpartu Litvy havorycca, što prapanujecca časova prypynić dziejnaść dvuch punktaŭ propusku «ŭ suviazi sa źmianieńniem hieapalityčnych abstavin i pahroz».
Raniej paviedamlałasia, što punkty propusku ŭ Šumsku i Ćvieračy litoŭcy zakryjuć užo z 15 žniŭnia.
Čytajcie taksama:
Litva pastaviła na miažy ščyty z papiaredžańniami pra ryzyki pry pajezdkach u Biełaruś
Premjer Litvy zajaviła pra miechanizm zakryćcia miažy ź Biełaruśsiu