Anhlijskaja Premjer-liha tolki startavała, a ŭ Chołana ŭžo dubl
Adna ź intryh novaha futbolnaha siezona: kolki narviežac zabje hałoŭ.
12.08.2023 / 09:02
Erlinh Chołan. Fota: BSR Agency / Getty Images
U piatnicu startavaŭ čarhovy siezon futbolnaj anhlijskaj Premjer-lihi. Čempijanat adkryvaŭ matč «Biernli» — «Mančester Sici», u jakoha ŭ minułym siezonie byŭ trebł.
Čempijon Anhlii vyjhraŭ ź likam 3:0.
Simvalična, što pieršy hoł u novym siezonie APŁ zabiŭ najlepšy bambardzir minułaha siezona Erlinh Chołan, zrabiŭšy heta ŭžo na 4-j chvilinie.
Potym jon aformiŭ dubl, a finalnuju kropku pastaviŭ aŭtar adzinaha hoła ŭ finale Lihi čempijonaŭ Rodry.
Chołan pierajšoŭ u «ManSici» ŭ minułym hodzie z «Barusii» i ŭ pieršy hod u anhlijskim čempijanacie zabiŭ rekordnyja 36 hałoŭ u 38-mi matčach, abahnaŭšy Endzi Koŭła i Ałana Šyrera, pryčym u ich było 34 hały ŭ 42-ch matčach.
Taksama ŭ narviežca było 12 miačoŭ u Lizie čempijonaŭ, try miačy ŭ Kubku Anhlii, adzin u Kubku lihi i čatyry za zbornuju — usiaho 56.
Chutčej za ŭsio, 23-hadovy ŭnikum stanie najlepšym bambardziram i sioleta.
Čytajcie taksama:
Kryšcijanu Ranałdu pahražaje aryšt za chryścijanski žest
Eks-zorka «Mančester Junajted» chacieŭ pierajści ŭ «Reał», ale Ančełoci zabłakavaŭ tranśfier
«ManJunajted» kupiŭ hałkipiera za 52,5 młn jeŭra, a jon uziaŭ i prapuściŭ z centra pola VIDEA