У Наваполацку затрымалі страйкамаўцаў «Нафтана» Вольгу Брыцікаву і Аляксандра Кухаронка. Заведзеныя крымінальныя справы
Супрацоўнікі АМАПа меркавана 11 жніўня ў весцы каля Наваполацка затрымалі былую старшыню незалежнага прафсаюзу ААТ «Нафтан» і актывістку Вольгу Брыцікаву і стачкамаўца «Нафтана» Аляксандра Кухаронка, піша «Вясна».
12.08.2023 / 09:09
Кухаронак — адзін з самых першых, хто ў 2020 годзе абвясціў страйкі на прадпрыемстве.
Вядома, што іх абвінавачваюць паводле ч. 2 арт. 361 Крымінальнага кодэкса (Заклікі да санкцый, іншых дзеянняў, накіраваных на прычыненне шкоды нацыянальнай бяспецы Беларусі).
Затрыманая таксама і жонка Аляксандра. Яны маюць непаўнагадовых дзяцей.
Вольгу Брыцікаву і Аляксандра Кухаронка неаднаразова затрымлівалі ў 2020-2022 гадах і арыштоўвалі адміністрацыйна. Вольга запар атрымала 75 сутак арышту.
Чытайце таксама:
Аблава на заводах «Нафтан» і «Палімір» — дзесяць працаўнікоў арыштаваныя
«Я выступала супраць вайны, што ў гэтым дрэннага?!» Вольга Брыцікава расказала пра 75-дзённы арышт
Вольгу Брыцікаву асудзілі ўжо пяты раз запар, яна будзе сядзець як мінімум 75 сутак