U Navapołacku zatrymali strajkamaŭcaŭ «Naftana» Volhu Brycikavu i Alaksandra Kucharonka. Kryminalnyja spravy
Supracoŭniki AMAPa, jak miarkujecca, 11 žniŭnia ŭ vioscy kala Navapołacka zatrymali byłuju staršyniu niezaležnaha prafsajuza AAT «Naftan» i aktyvistku Volhu Brycikavu i stačkamaŭca «Naftana» Alaksandra Kucharonka, piša «Viasna».
12.08.2023 / 09:09
Kucharonak — adzin z samych pieršych, chto ŭ 2020 hodzie abviaściŭ strajki na pradpryjemstvie.
Viadoma, što ich abvinavačvajuć pavodle č. 2 art. 361 Kryminalnaha kodeksa (zakliki da sankcyj, inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi).
Zatrymana taksama i žonka Alaksandra. Jany majuć niepaŭnaletnich dziaciej.
Volhu Brycikavu i Alaksandra Kucharonka nieadnarazova zatrymlivali ŭ 2020—2022 hadach i aryštoŭvali administracyjna. Volha zapar atrymała 75 sutak aryštu.
Čytajcie taksama:
«Ja vystupała suprać vajny, što ŭ hetym drennaha?!» Volha Brycikava raskazała pra 75-dzionny aryšt
Volhu Brycikavu asudzili ŭžo piaty raz zapar, jana budzie siadzieć jak minimum 75 sutak