Hiermanija pastavić Ukrainie novuju madel dronaŭ, jakaja moža «bačyć i čuć»
13.08.2023 / 10:43
Niamiecki kancern Rheinmetall pastavić ukrainskamu vojsku bieśpiłotniki Luna NG dla pavietranaj raźviedki da kanca 2023 hoda, paviedamlaje Bild.
Bieśpiłotnik Luna. Ilustracyjnaje fota: Julian Herzog, CC BY 4.0, commons.wikimedia.org
Kamplekt składajecca z naziemnaj stancyi kiravańnia ź niekalkimi bieśpiłotnikami i startavaj katapulty.
Novaja Luna pieraŭzychodzić papiaredniuju madel usimi asnoŭnymi charaktarystykami. Akramia vykarystańnia ŭ jakaści raźviedvalnaj sistemy, bieśpiłotniki mohuć hłušyć i pierachoplivać suviaź.
Novy bieśpiłotnik maje maksimalnuju vyšyniu palotu 5000 mietraŭ z dalokaściu raźviedki ŭ niekalki sotniaŭ kiłamietraŭ. Jon moža «bačyć i čuć», charaktaryzuje vydańnie.