Na Ščučynščynie zatrymany ksiondz Antoni Adamovič
Siońnia adbyłosia zatrymańnie probašča Kaścioła Uzvyšeńnia Śviatoha Kryža ŭ Pieršamajsku, Ščučynskaha rajona, paviedamlaje «Chryścijanskaja vizija».
13.08.2023 / 20:45
Pavodle infarmacyi kanała, siłaviki sprabavali zatrymać ksiandza ŭ samim kaściole, ale ludzi nie dazvolili. U plabani kaścioła praviali pieratrus.
Jak piša «Chryścijanskaja vizija», jašče na pačatku tydnia ksiandza vyklikali ŭ sielsaviet, tam jaho dapytali i zabrali na pravierku telefon. Siońniašniaje zatrymańnie, imavierna, i stała nastupstvam hetaj pravierki.
Ksiondz Antoni Adamovič z Haradzienščyny, vypusknik miascovaj duchoŭnaj sieminaryi. Jon pryniaŭ śviatarski san u listapadzie 2009 hoda.
Z poŭnym śpisam pieraśledavańnia biełaruskich śviataroŭ u kantekście palityčnaha kryzisu možna aznajomicca tut.