U Armienii trahična zahinuŭ pasoł Ukrainy
Jon patanuŭ u voziery Sievan.
14.08.2023 / 10:32
Fota: Radyjo Azatuciun
U Armienii zahinuŭ časovy pavierany Ukrainy Alaksandr Sienčanka, jaki ŭznačalvaŭ ukrainskuju dypłamatyčnuju misiju ŭ krainie. Ukrainski dypłamat patanuŭ u voziery Sievan, piša «Ukrainskaja praŭda».
Uviečary 13 žniŭnia pastupiła infarmacyja ab tym, što na adnym ź plažaŭ voziera Sievan ratavalniki padčas dziažurstva za 25 m ad bieraha zaŭvažyli ŭ vadzie mužčynu, jaki tanuŭ.
Ratavalniki padpłyli da hetaha ŭčastku, vyciahnuli jaho z hłybini prykładna 1,5 m i dastavili na bierah na matornaj łodcy.
Miedyki, jakija prybyli na miesca zdareńnia, kanstatavali śmierć mužčyny.