U Homieli adbyłasia čarhovaja abłava siłavikoŭ. Adnaho z zatrymanych prymusili śpiavać himn
Minimum čatyry čałavieki byli zatrymanyja padčas abłavy siłavikoŭ u Homieli. Ich videa apublikavaŭ praŭładny telehram-kanał, piša «Lusterka».
14.08.2023 / 12:24
Data rejdu nie ŭdakładniajecca. U apublikavanym roliku vidać, jak adnu z kvater šturmuje AMAP. U videa hamialčanie raspaviali, što byli zatrymanyja za padpiski na «ekstremisckija» kanały.
Adzin z zatrymanych pradstaviŭsia «pacyfistam» i administrataram dyskord-kanała «Zły TV». Taksama pad abłavu trapiŭ student-pravaznaŭca Biełaruskaj dziaržaŭnaj sielhasakademii.
Maładoha čałavieka prymusili na kamieru skazać, što jon byŭ padpisany na «ekstremisckuju supołku» i praśpiavać himn Biełarusi.
Čytajcie taksama:
Čarhovaja abłava ŭ Homieli: nie mienš za vosiem zatrymanych za apošni čas