Zatrymali kiraŭnika centra techničnaj padtrymki BiełAZ u Rasii. Na im razarvali kašulu, kab pakazać tatu z arnamientam
Mužčynu vinavaciać va ŭdziele ŭ pratestach i kamientarach. Ciapier jon za kratami.
14.08.2023 / 13:23
Andrej Fiodaraŭ. Fota: jahonaja staronka «Ukantakcie»
Andreju Fiodaravu 44 hady. Jon ź Minska, skončyŭ 36-ju škołu ŭ minskaj Čyžoŭcy, a paśla pastupiŭ u Biełaruski dziaržaŭny ŭniviersitet infarmatyki i radyjoelektroniki. Mužčyna doŭhi čas pracavaŭ u centrach techničnaj padtrymki BiełAZaŭ u Rasii. Z 2015-ha ŭznačalvaje taki centr u Biełharodskaj vobłaści, u roznyja časy taksama kiravaŭ centrami ŭ Murmanskaj i Rastoŭskaj abłaściach.
Jaho vinavaciać va ŭdziele ŭ pratestach u 2020 hodzie i pakidańni kamientaroŭ u internecie. Admietna, što jon vydaliŭ svoj telehram-akaŭnt naprykancy 2022-ha, ale jaho adšukali, imavierna, praz kamientary — jon davaŭ tam šmat infarmacyi pra siabie i pakinuŭ ich šmat (nie mienš za tysiaču).
Padčas zatrymańnia hubazikaŭcy razarvali abo razrezali jahonuju kašulu — heta dobra vidać na fota ź ich kanała. Na ruce mužčyny vialikaja tatu z nacyjanalnym arnamientam.
Andrej Fiodaraŭ u razrezanaj kašuli. Fota z telehram-kanału HUBAZiK
Na Andreja Fiodarava, jak paviedamlaje kanał siłavikoŭ, zaviali kryminalnuju spravu.
Čytajcie taksama:
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć