«Čełsi» kupiŭ 21-hadovaha ekvadorca za rekordnyja dla anhlijskaha futboła hrošy
21-hadovy paŭabaronca Mojses Kajsieda padpisaŭ vaśmihadovy kantrakt z łondancami da leta 2031 hoda, paviedamlaje pres-słužba kłuba.
14.08.2023 / 21:31
Mojsies Kajsieda. Fota: Darren Walsh / Chelsea FC via Getty Images
«Ja ščaślivy dałučycca da «Čełsi»! Ja tak rady być tut, u hetym vialikim kłubie, i mnie nie daviałosia dvojčy dumać, kali mnie patelefanavali z «Čełsi», ja prosta viedaŭ, što chaču padpisać kantrakt z hetym kłubam. Heta spraŭdziłasia mara być tut, i ja nie mahu čakać, kab pačać pracavać z kamandaj», — skazaŭ Kajsieda.
Pavodle źviestak Sky News, suma tranśfieru stała rekordnaj dla anhlijskaha futboła i skłała €133,5 młn (115 miljonaŭ funtaŭ).
Papiaredni rekord byŭ ustalavany litaralna miesiac tamu, kali Dekłan Rajs pierajšoŭ z «Vest Chema» ŭ «Arsienał» za 122 miljony jeŭra.
U minułym siezonie Kajsieda pravioŭ 43 matčy za «Brajtan», zabiŭ adzin hoł.
Čytajcie taksama:
«Reał» kupiŭ 19-hadovaha paŭabaroncu za 103 miljony jeŭra
Eks-zorka «Mančester Junajted» chacieŭ pierajści ŭ «Reał», ale Ančełoci zabłakavaŭ tranśfier