U Machačkale zdaryŭsia mahutny vybuch. Zahinuła jak minimum 30 čałaviek, paciarpieła bolš za 110, u tym liku 16 dziaciej
Pavodle papiarednich źviestak, pierad vybucham pačaŭsia pažar na aŭtazapraŭcy. Bolšaść zahinułych i paciarpiełych — minaki, jakija sabralisia pahladzieć na pažar. U niejki momant adbyŭsia mocny vybuch.
15.08.2023 / 06:57
Skrynšot videa pažaru
Kolkaść zahinułych pry vybuchu na zapraŭcy «Nafta-24» na poŭnačy Machačkały (Dahiestan, Rasija) vyrasła da 30 čałaviek, siarod ich troje dziaciej, paviedamili «Interfaksu» ŭ Dahiestanskim centry miedycyny katastrof.
Pieršy namieśnik kiraŭnika rasijskaha Ministerstva achovy zdaroŭja Viktar Fisienka, jaki prybyŭ u Dahiestan, zajaviŭ, što kolkaść paciarpiełych paśla vybuchu na AZS vyrasła da 110 čałaviek, 10 ź ich — u ciažkim stanie. Paciarpieli 16 dziaciej.
Vybuch adbyŭsia na aŭtazapraŭcy ŭ Kumtarkalinskim rajonie na poŭnačy Machačkały ŭ rajonie 22:00. Pieršapačatkova zahareŭsia budynak aŭtaservisu, zatym ahoń pierakinuŭsia na zapraŭku, a potym na AZS vybuchnuła hazapavietranaja sumieś. Pažar udałosia patušyć amal praz čatyry hadziny paśla vybuchu.
Kiraŭnik rehijona Siarhiej Mielikaŭ patłumačyŭ vybuch na zapraŭcy detanacyjaj jomistaściaŭ nasuprać AZS. «Pryčyny i charaktar vybuchu vyśviatlajucca. Zdetanavali jomistaści nasuprać zapraŭki, u vyniku čaho adbyłosia ŭzharańnie i pažar», — skazaŭ jon.