Chrenin: Maski skinutyja. Zachad rychtujecca da pramoha vajennaha sutyknieńnia
Jak zajaviŭ kiraŭnik biełaruskaha Minabarony, u heta ŭkładvajucca vielizarnyja hrošy.
15.08.2023 / 11:54
Viktar Chrenin u Maskvie. Fota: Minabarony
Zachad aktyŭna inviestuje ŭ zbroju, rychtujučysia da niepasrednaha vajennaha sutyknieńnia. Upeŭnienaść u hetym vykazaŭ ministr abarony Biełarusi Viktar Chrenin, vystupajučy na XI Maskoŭskaj kanfierencyi pa mižnarodnaj biaśpiecy, piša TASS.
«Na Zachadzie idzie intensiŭnaja vajskovaja padrychtoŭka, u heta ŭkładvajucca vielizarnyja hrošy. Treba razumieć, što ŭ kapitalistyčnym śviecie zamarožvać svaje aktyvy ŭ zbroju i razdźmutuju armiju prosta tak nichto nie budzie, — skazaŭ jon. — Tamu vysnovu možna zrabić adnaznačnuju: mahčymaść pramoha vajennaha sutyknieńnia z NATA ŭ budučyni stanovicca vidavočnaj».
Pa słovach Chrenina, siońnia «ŭsie maski skinutyja», sapraŭdnyja płany Zachadu ŭžo hučać z vusnaŭ słužbovych asob vysokaha ranhu.
Čytajcie taksama:
Ministr Chrenin pryjšoŭ na sustreču z Łukašenkam ź jadziernaj bombaj
Ministr abarony Ukrainy raskazaŭ, jak Chrenin u pieršy dzień vajny prapanoŭvaŭ jamu kapitulacyju