Elektryku adnaho z homielskich hipiermarkietaŭ prysudzili dva hady kałonii za asudžeńnie vajny
Supracoŭnika kramy Green Uładzimira Jakimca zatrymali na pracy 29 listapada.
15.08.2023 / 11:57
Uładzimir Jakimiec. Fota: sacsietki
Spačatku mužčyna atrymaŭ 15 sutak pavodle art. 19.11 (raspaŭsiud ekstremisckich materyjałaŭ) za padpiski ŭ sacyjalnych sietkach. Ale 14 śniežnia Uładzimira pierazatrymali ŭžo pa kryminalnaj spravie. Złačynstva zaklučajecca ŭ tym, što mužčyna asudziŭ rasijskuju vajennuju ahresiju ŭ adnym z čataŭ, paviedamlaje «Homielskaja viasna».
13 krasavika Homielski abłasny sud prysudziŭ Uładzimiru Jakimcu 2 hady kałonii ahulnaha režymu. Mužčyna pasprabavaŭ abskardzić prysud, ale Viarchoŭny sud pakinuŭ jaho bieź źmien.
Taksama stała viadoma, što 9 žniŭnia Uładzimira etapavali ŭ navapołackuju kałoniju dla adbyćcia pakarańnia. Akramia taho, Uładzimira Jakimca ŭnieśli ŭ «śpis hramadzian, jakija ažyćciaŭlajuć ekstremisckuju dziejnaść».
Čytajcie taksama:
U Minsku zatrymany były palitviazień Andrej Ivaniušyn, jaki niadaŭna vyjšaŭ na volu
Žycharu Baranavičaŭ dali hod kałonii za abrazu Łukašenki
Homielskamu barmienu Viatoškinu zamianili «chatniuju chimiju» na kałoniju