У Нацыянальным гістарычным архіве — новы дырэктар
Нацыянальны гістарычны архіў Беларусі 14 жніўня ўзначаліў Міхаіл Глушакоў.
15.08.2023 / 13:04
Міхаіл Глушакоў. Фота: НГАБ
14 жніўня дырэктар Дэпартамента па архівах і справаводстве Мінюста Алег Воінаў на агульным сходзе працоўнага калектыву Нацыянальнага гістарычнага архіва прадставіў ім новага дырэктара установы — Міхаіла Глушакова.
Воінаў выказаў упэўненасць, «што дзейнасць М.Глушакова ў мінулым, яго жыццёвы досвед і веды будуць спрыяць эфектыўнаму рашэнню задач, якія стаяць перад Нацыянальным гістарычным архівам Беларусі».
Міхаіл Глушакоў нарадзіўся ў 1972 г. у Мінску. У 1994 г. скончыў Беларускі дзяржаўны тэхналагічны ўніверсітэт. Па звестках «Нашай Нівы». нейкі час служыў у КДБ, але дзе канкрэтна, невядома.
Да прызначэння дырэктарам НГАБ некалькі месяцаў працаваў кансультантам у аддзеле арганізацыйнай работы, інфармацыі і выкарыстання дакументаў Дэпартамента па архівах і справаводстве.
Апошнія месяцы архівы і музеі падвяргаюцца перыядычнай чыстцы ад нядобранадзейных. Так толькі з Нацыянальнага гістарычнага архіва за апошні год звольнілі 15 чалавек.