Lizo vyklučyli sa śpisa artystaŭ-udzielnikaŭ Supierboŭła. Dniami jaje abvinavacili ŭ seksualnym hvałcie
Amierykanskaja śpiavačka Lizo była vyklučanaja sa śpisa artystaŭ, što płanujuć vystupić u pierapynku Supierboŭła LVII, paśla taho, jak sutyknułasia ź infarmacyjaj pra sieryju šakavalnych seksualnych damahańniaŭ i abvinavačańniaŭ u hvałcie z boku byłych tancorak, piša Daily Mail.
15.08.2023 / 14:05
Lizo nabyła słavu dziakujučy chitam Truth Hurts, About Damn Time, Juice, Good As Hell i 2 Be Loved. Jana trochrazovaja ŭładalnica «Hremi» ŭ 2020 hodzie. Spark-Arena ŭ Oklendzie (Novaja Ziełandyja). 26 lipienia 2023 hoda. Fota: Dave Simpson / WireImage / Getty Images
Raniej u hetym miesiacy 35-hadovaja pop-zorka, jakaja pazicyjanuje siabie jak aktyvistka bodzipazityvu, akazałasia ŭ centry siensacyjnaha skandału, kali try jaje byłyja tancorki, Krystał Uiljams, Noel Radryhies i Aryjana Devis, padali suprać jaje ŭ sud, abvinavaciŭšy Lizo ŭ stvareńni «varožaha pracoŭnaha asiaroddzia».
Insajdar NFŁ raspavioŭ Daily Mail, što niehatyŭnaja reakcyja na abvinavačańni zaachvociła arhanizacyju nieadkładna adchilić Lizo ad udziełu ŭ šou ŭ pierapynku Supierboŭła — raniej jaje imia fihuravała ŭ śpisie jak adnoj z pretendentak na ŭdzieł u šou 2024 hoda.
«Razmovy pra toje, što Lizo budzie ŭdzielničać u pierapynku abo vykonvać nacyjanalny himn, spynilisia paśla taho, kali jana akazałasia akružanaja skandałam», — skazała krynica paśla abvinavačańniaŭ, što Lizo kateharyčna admaŭlaje.
***
Supierboŭł — hałoŭnaja spartyŭnaja padzieja hoda ŭ ZŠA, ciapier pravodzicca ŭ druhuju niadzielu lutaha.
Heta finalny matč za zvańnie pieramožcy Nacyjanalnaj futbolnaj lihi. Tele– i internet-aŭdytoryja Supierboŭła źbiraje bolš za 100 miljonaŭ hledačoŭ, kudy bolš čym tranślacyi baskietboła abo biejsboła. Košt rekłamnych rolikaŭ pierad pačatkam i ŭ pierapynku składaje miljony dalaraŭ.
Vystupić padčas Supierboŭła — vielmi prestyžna i pačesna, tamu ŭ śpis vykanaŭcaŭ traplajuć vyklučna zorki.
Čytajcie taksama:
Viadomuju amierykanskuju śpiavačku abvinavacili ŭ seksualnych damahańniach