U Hiermanii zatrymali piaciarych biełarusaŭ, jakija tam pracavali nielehalna
U niamieckim horadzie Ludvihschafien, ziamla Baden-Viurtembierh, zatrymali piaciarych biełarusaŭ, pracaŭładkavanych u abychod dziejnych praviłaŭ. Pra heta paviedamlaje sajt «Biełaruś i śviet» sa spasyłkaj na miascovuju mytniu.
15.08.2023 / 15:19
Niamieckaja palicyja. Fota: Wikimedia Commons
Našych suajčyńnikaŭ vyjavili padčas pravierki budaŭničaj placoŭki na minułym tydni. Akazałasia, što jany naniatyja kampanijaj, jakaja bazujecca ŭ Polščy, a ciapier vykonvaje zakaz u Hiermanii.
U rabotnikaŭ byli tolki polskija vizy, jakija dajuć prava znachodzicca i pracavać u Polščy.
Na terytoryi ž Hiermanii jany, atrymlivajecca, znachodzilisia i pracavali niezakonna.
Raspačata rasśledavańnie, pašparty mužčyn pieradadzienyja mihracyjnym słužbam.