NAU pieradało ŭkraincam śpis asob dla ŭviadzieńnia suprać ich piersanalnych sankcyj
Narodnaje antykryzisnaje ŭpraŭleńnie pieradało Nacyjanalnamu ahienctvu pa pytańniach praduchileńnia karupcyi Ukrainy pieralik biełaruskich fizičnych asob i arhanizacyj, jakija aktyŭna padtrymlivajuć rasijskuju ahresiju suprać Ukrainy, dla ŭviadzieńnia suprać ich ukrainskim bokam nacyjanalnych sankcyj, paviedamiła pres-słužba NAU.
15.08.2023 / 21:47
Pavieł Łatuška
Pry hetym arhanizacyja adznačaje, što imiony hetych kandydataŭ na ŭklučeńnie ŭ sankcyjny śpis 15 žniŭnia byli raźmieščanyja na śpiecyjalizavanym ŭkrainskim partale «Vajna i sankcyi». U jaho ŭvajšli 24 sudździ i 15 dziaržprapahandystaŭ.
Akramia taho, pavodle infarmacyi NAU, śpisy «papoŭniać i inšyja asoby i arhanizacyi, źviazanyja z tak zvanaj Sajuznaj dziaržavaj Biełarusi i Rasii, u tym liku datyčnyja da prymusovaha pieramiaščeńnia ŭkrainskich dziaciej, pastajanny kamitet Sajuznaj dziaržavy».
Kiraŭnik NAU Pavieł Łatuška adznačyŭ:
«Kamanda NAU znachodzicca ŭ pastajannym kantakcie z ukrainskim bokam nakont pytańniaŭ sankcyjnaha cisku i adkaznaści. Heta ŭzajemadziejańnie ŭzmacniłasia paśla našaha apošniaha vizitu ŭ Kijeŭ.
Adpaviednyja śpisy kandydataŭ na ŭklučeńnie ŭ sankcyjny pieralik buduć dalej dapaŭniacca, pašyracca i pieradavacca ŭkrainskamu boku, bo sankcyi źjaŭlajucca adnym ź instrumientaŭ adkaznaści za ŭčynienyja złačynstvy».
Čytajcie taksama:
Biełaruski Čyrvony Kryž mohuć vyklučyć ź Mižnarodnaj fiederacyi — Łatuška
Łatuška prapanavaŭ Polščy pryznać režym Łukašenki sponsaram teraryzmu