Ad siońnia ŭ Minsku dziejničaje adziny prajazny
Novy dakumient abyjdziecca pasažyram u 51 rubiel 5 kapiejek. Termin jaho dziejańnia — 30 sutak.
16.08.2023 / 07:55
Z 16 žniŭnia ŭ Minsku možna nabyć adziny prajazny dakumient na haradski hramadski transpart. Novy dakumient abyjdziecca pasažyram u 51 rubiel 5 kapiejek. Termin jaho dziejańnia — 30 sutak.
Z adzinym prajaznym pasažyry zmohuć apłačvać prajezd jak u aŭtobusie, tralejbusie, tramvai, tak i ŭ mietro. Pry hetym pry dapamozie dakumienta možna budzie raźličvacca navat u ekspresnym aŭtobusie. Zaraz taryf na jaho budzie pryraŭnoŭvacca da standartnaha.
Dla ludziej, jakija tradycyjna karystajucca tolki adnym vidam transpartu, zachavana mahčymaść jaho vykarystańnia pa raniejšym košcie: 38,25 rub. — aŭtobusami (uklučajučy aŭtobusy ekspres) abo tralejbusami, abo tramvajami; 40,50 rub. — mietro.
U stalicy dziejničajuć fiksavanyja taryfy na haradskija pieravozki pasažyraŭ i bahažu ŭsimi vidami transpartu — 85 kapiejek pry zvyčajnaj kupli bileta i 90 kapiejek pry jaho nabyćci ŭ kiroŭcy.