U Minsku za ranicu adbyłosia čatyry DTZ z matacyklistami
Jany adbylisia jak na zachadzie stalicy, tak i va ŭschodniaj častcy horada, paviedamlaje DAI horada. I ŭkłalisia ŭ časavy pramiežak adna hadzina.
16.08.2023 / 10:43
Fota: DAI
Pieršaje DTZ adbyłosia kala 06:50 na skryžavańni vulicy Prytyckaha i praśpiekta Puškina. 24-hadovy kiroŭca karšerynhavaha «Falksvahiena», vyjechaŭšy na čyrvony sihnał, sutyknuŭsia z 32-hadovym matacyklistam.
***
Fota: DAI Minska
U 07:00 23-hadovy matacyklist na Yamaha ruchaŭsia pa źjeździe z vulicy Sialickaha ŭ napramku Partyzanskaha praśpiekta, jon nie daŭ rady kiravańniu i ŭrezaŭsia ŭ aharodžu.
***
Fota: DAI Minska
Treciaje DTZ. Kala 07:40 60-hadovaja kiroŭca aŭtamabila Suzuki pry vyjeździe z dvarovaj terytoryi pablizu doma №71 pa vulicy Plachanava pry pavarocie naleva nie dała pieravahu matacykłu Suzuki i sutyknułasia ź im. 23-hadovy matacyklist dastaŭleny ŭ balnicu dla abśledavańnia.
***
I apošniaje pakul DTZ. Kala 07:50 pablizu doma №31 pa vulicy Vaŭpšasava 47-hadovaja žančyna na «Ładzie» pry vyjeździe z dvara pry pavarocie naleva nie prapuściła matacykł «Minsk».
35-hadovy matacyklist z atrymanymi cialesnymi paškodžańniami dastaŭleny ŭ balnicu.
Čytajcie taksama:
DTZ pad Rečycaj — adzin čałaviek zahinuŭ, čaćviora paciarpieli
U Viciebsku syšoŭ z rejek tramvaj
Strašnaje DTZ u Hancavickim rajonie: 18-hadovy pasažyr zahinuŭ, troje adnahodkaŭ špitalizavanyja