Kruty zajaviŭ, što ŭžo pačali realizacyju prajekta sumiesnaha biełaruska-rasijskaha samalota
Niejkaja kankretyka ab stvareńni ŭ Biełarusi hramadzianskaha samalota moža źjavicca da kanca hoda. Pra heta zajaviŭ žurnalistam pasoł Biełarusi ŭ Rasii Dźmitryj Kruty, piša BiełTA.
16.08.2023 / 13:36
Fota: BiełTA
Pasoł nahadaŭ, što ŭrady Biełarusi i Rasii ŭžo padpisali prahramu sumiesnych dziejańniaŭ u raźvićci avijabudavańnia. «Pakul dva našy pradpryjemstvy buduć udzielničać jak kaapieratary, pastaŭščyki kamplektujučych u rasijskich prajektach, heta ŭ asnoŭnym MS-21 i Superjet», — skazaŭ jon.
«Nakont samalota, jaki niepasredna budzie vyrablacca ŭ Biełarusi: siońnia pačaty prajektnyja raboty. Pakul kazać kančatkova pra madel, abjomy finansavańnia i navat umiaščalnaść hetaha samalota rana. Da kanca hoda budzie zroblena voś hetaja, skažam tak, prajektnaja praca, i potym užo budzie niejkaja kankretyka», — padkreśliŭ pasoł.
Čytajcie taksama:
Biełaruś admoviłasia budavać svoj port u Rasii
Dźmitryj Kruty skazaŭ, što ŭ Biełarusi nieŭzabavie budzie ŭłasny fłot. Prynamsi, jon u heta vieryć