Što takoje hlimiery i našto pra ich viedać

Novy trend sacsietak — hlimiery, psichałahičnaja źjava, supraćlehłaja tryhieram. Tłumačym, što chavajecca za hetymi terminami i čamu svaje hlimiery varta viedać.

18.08.2023 / 14:11

Ilustracyjnaje fota: «Naša Niva»

Kali hlimiery — adnosna novy termin, to pra tryhiery vy mahli čuć. Heta drabnica, zdolnaja spravakavać u vas mocnuju niehatyŭnuju reakcyju. Tryhierami mohuć stać słovy, huki, ludzi, kolery, pachi, fizičnyja adčuvańni ci navat čas dnia abo siezon — to-bok luby sensarny fienomien, źviazany z peŭnaj traŭmaj abo mientalnaj źjavaj.

Naprykład, kali čałaviek maje psichałahičnuju traŭmu ad taho, što byŭ śviedkam bajavych dziejańniaŭ, jaho moža tryhieryć huk fiejervierkaŭ. Taho, chto pieražyŭ napad sabaki, mohuć pužać sabaki peŭnaj parody abo lubyja sabaki. Havorka nie abaviazkova pra strach: kali toj, chto zmahajecca z ałkaholnaj zaležnaściu, adčuje pach śpirtnoha, u jaho hałavie moža ŭźniknuć niaścierpnaje žadańnie vypić.

Ludziej moža tryhieryć i adsutnaść peŭnych źjaŭ. Kali ŭ dziacinstvie čałavieka časta pakidali adnaho, tryhieram dla jaho moža stać ihnaravańnie, niepračytanaje surazmoŭcam paviedamleńnie, admova ŭ kamunikacyi ci prosta adzinota. 

Psichołahi dakładna nie viedajuć, jak farmujucca tryhiery. Vierahodna, mozh fiksuje traŭmatyčnyja ŭspaminy nie tak, jak zvyčajnyja, jany časta zachoŭvajucca za miežami našaj śviadomaj pamiaci. Tym nie mienš, i ŭ mazhu, i ŭ ciele zastajecca infarmacyja pra pieražyty dośvied, jaki nam pahražaŭ.

Kab u budučym my byli ŭ biaśpiecy, mozh pryčeplivaje reakcyju «bi ci biažy» da rečaŭ, jakija nam nahadvajuć pra traŭmu — naprykład, da peŭnaha pachu ci huku. Heta i jość tryhiery. Tamu kali my ź imi sutykajemsia, my viadziem siabie tak, nibyta znachodzimsia pad pahrozaj. Heta vyklikaje reakcyju, padobnuju da traŭmatyčnaj.

Karysna viedać svaje tryhiery i ŭśviedamlać, kali jany ŭpłyvajuć na vaš stan i kali hetaha možna paźbiehnuć. Ale, na ščaście, historyju z tryhierami možna paviarnuć i inšym bokam. U hetym nam dapamohuć hlimiery.

Pra ich upieršyniu zahavaryli niekalki hadoŭ tamu, ale sapraŭdy papularnymi hlimiery stali ŭ apošni čas. Tak nazyvajuć drobiazi, jakija prynosiać radaść. Termin hlimiery prydumała Deb Dana, kliničny psichołah z ZŠA, jakaja zajmajecca psichałahičnymi traŭmami. 

Hlimiery, ad anhlijskaha słova glimmer, problisk, robiać žyćcio našmat lepšym, ale nie treba błytać ich z falšyvym aptymizmam niahledziačy ni na što. Ščaślivyja momanty isnujuć nie dla taho, kab zabyć pra drennaje ŭ žyćci, a dla taho, kab ciažkija dni było lahčej pieranieści.

U kožnaha čałavieka svaje prykłady hlimieraŭ. Tym nie mienš, vam mohuć padyści takija varyjanty:

Toje, što dla kahości źjaŭlajecca hlimieram, moža być zusim nie tak pryjemna inšamu čałavieku, a to i pracavać dla jaho jak tryhier. Kali vam chočacca źviarnucca da niejkaha hlimiera, naprykład, zapalić aramatyčnuju śviečku, varta pavažać svabodu taho, chto znachodzicca la vas. Jak śviedčyć załatoje praviła marali: «Rabi ŭ dačynieńni da inšych toje, što jany rabili b u dačynieńni da siabie sami».

Jak znajści svaje hlimiery? Padumajcie pra momant (navat kali jon byŭ daŭno), kali vy adčuvali siabie ŭ biaśpiecy i spakoi, kali vam było ŭtulna. Abo zhadajcie svajo dziacinstva i toje, što vam daryła tady adčuvańnie kłopatu, ci ŭspomnicie lubimaha čałavieka (abo prydumajcie taho, kaho vam chaciełasia b bačyć kala siabie). Jakija detali jość u hetych vobrazaŭ ci vyjavaŭ?

Šmat dla kaho pošuk hlimieraŭ moža stać składanaj zadačaj. Deb Dana raić pačynać z małoha — naprykład, pastavić sabie metu znachodzić vakoł siabie pa adnym hlimiery, to-bok pryjemnym, kožny dzień. Možna ich zapisvać, kab viedać, što zdolnaje vas padtrymać u ciažkuju chvilinu.

Zvyčka šukać paŭsiul hlimiery moža dapamahčy supraćstajać častaj čałaviečaj zvyčcy fakusavacca na niehatyŭnym dośviedzie. Takoje praktykavańnie moža dapamahčy tym, chto časta zatrymlivajecca ŭ dumkach, źviarnuć uvahu na toje, što adbyvajecca navokał. Kali ŭ vas heta ŭvojdzie ŭ zvyčku, mahčyma, vy natrenirujecie svoj mozh paŭsiul znachodzić rečy, jakija dapamahajuć vam być ščaślivym i adčuvać siabie ŭ biaśpiecy.

A voś što karystalniki sacsietak raskazvajuć pra svaje hlimiery. Dla hetaj dziaŭčyny hlimier — heta prabiežka z sabakam. 

@kylieannand Truly thankful I wake up early to get a 7km adventure with her every morning and finish it off at the river together watching the sunrise #dogmom #glimmers #memories #dogsoftiktok #grateful #glimmermoments #timeisprecious #earlymorning #livingmybestlife #bestfriend #doglife #dreamlife ♬ original sound - Lennon & Linds

Niekatoryja karystalniki robiać cełyja padborki ŭłasnych hlimieraŭ. Napeŭna, heta vielmi zručna:

@luckycopperpenny More of my favorite glimmers #glimmers #mentalhealth ♬ come into my arms - november ultra

@oddasstitty Finding the glimmers. #fyp #glimmers ♬ mystery of love 2 -

@joanadssz Paz #summer #glimmers #lifemoments #momentsdevie #preciousmoments #peaceful #skylovers #relaxingvideos #keepdreaming #summerlove #sealovers #nature #pazesossego ♬ original sound - CAPCUT TEMPLATES - CAPCUT TEMPLATES

@laura_jo_sawyer June glimmers ✨ #healingmoments #glimmers #tinybeautifulthings ♬ Healing - FLETCHER

@shaynateresetaylor I love the idea of focusing on these throughout your day what glimmers have you noticed recently? #foryou #glimmer #glimmers #smallmoments #slowliving #slowlivinglifestyle #romanticizeyourlife #intentionalliving #mentalhealthmatters #mentalhealthawareness ♬ Bird Song - Nature Sounds and Music for Sleep and Relaxation

Pieražyła 2022-hi dziakujučy pamidoram. Niestandartnaje chobi maładoj aktyvistki — sadžancy nazvała Kandrat i Krapiva

Novy natchnialny trend — u tyktoku šyrycca moda na nadzieju

«Palešuki stali Chobsami». Jak biełarusy adsyłajuć svajo DNK u Amieryku i šukajuć prodkaŭ pa testach

Viera Biełacarkoŭskaja