U Rasii pamior hienierał, jaki niejki čas kamandavaŭ akupacyjnymi vojskami va Ukrainie
U Maskvie pamior 57-hadovy hienierał-pałkoŭnik Hienadź Žydko, jaki ŭ mai-lipieni 2022 hoda kamandavaŭ usioj akupacyjnaj hrupoŭkaj va Ukrainie. Pra heta paviedamlajuć rasijskija miedyja.
16.08.2023 / 19:37
Hienadź Žydko. Fota: sajt «Hieroi strany»
Paviedamlajecca, što Hieroj Rasii, hienierał-pałkoŭnik Hienadź Žydko pamior «paśla praciahłaj chvaroby».
U 2016 hodzie Žydko zajmaŭ pasadu načalnika štaba hrupoŭki US RF u Siryi, u 2018 hodzie byŭ pryznačany kamandujučym vojskami Uschodniaj vajskovaj akruhi, u 2021-m atrymaŭ pasadu namieśnika ministra abarony RF — načalnika Hałoŭnaha vajskova-palityčnaha ŭpraŭleńnia US RF.
U 2022 hodzie Žydko znoŭ staŭ kamandujučym vojskami Uschodniaj akruhi, a paśla źmianiŭ u mai 2022-ha kamandujučaha vojskami Paŭdniovaj vajskovaj akruhi Alaksandra Dvornikava ŭ kamandavańni akupacyjnaj armijaj va Ukrainie. U lipieni jaho źniali z hetaj pasady.
Čytajcie taksama:
Rasijskamu hienierału Suravikinu zahadali maŭčać i źmiaścili pad chatni aryšt — Politico
U rasijskaj Dziarždumie paćvierdzili hibiel hienierała Cokava