Na vydaleńnie zuba — 10 chvilin. Minzdaroŭja vyznačyła praciahłaść płatnaha pryjomu ŭ stamatołaha
Ministerstva achovy zdaroŭja Biełarusi vyznačyła, jak doŭha pavinien doŭžycca płatny pryjom u stamatołaha. Novyja normy času i raschodu materyjałaŭ na płatnyja miedpasłuhi pa stamatałohii akreślili ŭ pastanovie Ministerstva achovy zdaroŭja №109 ad 7 lipienia 2023 hoda, apublikavanaj na Nacyjanalnym pravavym internet-partale.
17.08.2023 / 16:10
Fota: minerva-studio / vecteezy.com
Pastanova tyčycca płatnych stamatałahičnych pasłuh, jakija akazvajuć IP i jurydyčnyja asoby niezaležna ad ich formy ŭłasnaści i padparadkavanaści.
Z dakumienta vynikaje, što na pieršasny ahlad pacyjenta lekaram-śpiecyjalistam stamatałahičnaha profilu (zubnym fielčaram) advodzicca 20 chvilin. Za hety čas śpiecyjalist pavinien pravieści abśledavańnie, pastavić dyjahnaz, skłaści płan lačeńnia i atrymać ad pacyjenta zhodu na miedycynskaje ŭmiašańnie. Akazańnie nieadkładnaj stamatałahičnaj dapamohi ŭ hetyja 20 chvilin nie ŭvachodzić.
Pry paŭtornym zvarocie ahlad pacyjenta pavinien doŭžycca 10 chvilin.
Kali pacyjent źviartajecca pa kansultacyju da stamatołaha, to na jaje advodzicca 20 chvilin. U vypadku, kali patrabujecca kansultacyja śpiecyjalista stamatałahičnaha profilu, jaki maje navukovuju stupień ci vučonaje zvańnie, čas pryjomu pavialičvajecca da 40 chvilin.
Na praviadzieńnie aniestezii advodzicca 7 chvilin, nakładańnie časovaj płomby — 3 chviliny. Kolki času pojdzie na zamienu časovaj płomby na pastajannuju, zaležyć ad materyjału płomby i stanu zuba — u dakumiencie prapisany čas kožnaj apieracyi pa lačeńni zuba.
Na vydaleńnie zuba advodzicca 10 chvilin.
Pastanova ŭstupaje ŭ siłu 1 listapada 2023 hoda.
Čytajcie taksama:
U Japonii amal stvaryli leki, jakija dazvalajuć adroščvać adsutnyja zuby
Lačyć zuby zaraz stanie daražej
Minzdaroŭja moža zabaranić stamatałohijam vykarystoŭvać renthien. Praŭda, nie ŭsim