Andreja Pačobuta pieraviali ŭ pamiaškańnie kamiernaha typu
Pra toje, što Andreju Pačobutu źmianili ŭmovy ŭtrymańnia, paviedamiła jahonaja žonka Aksana Pačobut u sacsietkach.
17.08.2023 / 16:57
Andrej Pačobut padčas suda
U pamiaškańni kamiernaha typu Andrej Pačobut praviadzie najbližejšyja 6 miesiacaŭ, praktyčna ŭsiu vosień i zimu. Takoje pakarańnie jamu pryznačyli «za admovu ad pracy, jakuju nielha vykanać».
Jak piša Aksana Pačobut:
«Fielčarka admoviłasia padpisać daviedku, što jon pavodle stanu zdaroŭja moža znachodzicca va ŭmovach PKT, bo pry ahladzie byŭ zafiksavany zryŭ rytmu serca i cisk 190/140. Ale na nastupny dzień pryjšoŭ bolš daśviedčany miedyk — doktar-terapieŭt i, padpisaŭšy daviedku, adpraviŭ jaho ŭ PKT».
Fota: facebook.com/oksana.poczobut
Ciapier pry vymiareńni cisku Pačobutu naŭmysna nie pakazvajuć ličbaŭ, jakija fiksujuć prybory.
Žurnalista i aktyvista polskaj supolnaści ŭ Biełarusi Andreja Pačobuta zatrymali 25 sakavika 2021 hoda. Jaho abvinavacili pavodle art. 361 KK — «Zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś», a taksama pavodle art. 130 KK — «Raspalvańnie rasavaj, nacyjanalnaj, relihijnaj albo inšaj sacyjalnaj varožaści». Praces u Hrodzienskim abłasnym sudzie ŭ zakrytym režymie razhladaŭ suddzia Dźmitryj Bubienčyk. U lutym Pačobutu prysudzili 8 hadoŭ kałonii, pakarańnie jon adbyvaje ŭ Navapołacku.
Čytajcie taksama:
«Što ja viedaju pra muža? Uvohule ničoha». Z Andrejem Pačobutam taksama źnikła suviaź