Hramadstva

Homielskaha pradprymalnika asudzili na try hady kałonii za «finansavańnie ekstremisckaha farmavańnia»

Homielski abłasny sud prysudziŭ pradprymalnika Juryja Taškinava da 3 hadoŭ kałonii pavodle abvinavačvańnia ŭ «finansavańni ekstremisckaha farmavańnia» (artykuł 361-2 KK) i raspalvańni varožaści (artykuł 130 KK), paviedamlaje «Homielskaja viasna».

Fota: VKontakte

Spravu razhladali ŭ zakrytym režymie, tamu jaje padrabiaznaści nieviadomyja.

Pavodle infarmacyi «Fłahštoka», abvinavačvańnie pradprymalnika źviazana z tym, što jon pieravodziŭ hrošy na dapamohu Ukrainie praz fond Bysol. Paśla poŭnamaštabnaha ŭvarvańnia Rasii va Ukrainu jon u sacsietkach vykazvaŭsia suprać vajny i publikavaŭ spravazdačy ab humanitarnaj dapamozie žycharam Čarnihaŭskaj vobłaści.

Juryj Taškinaŭ — homielski pradprymalnik, rezident haradskoha technaparka. U 2018 hodzie jon raspracavaŭ mabilnuju prahramu dla pošuku vykanaŭcaŭ roznych pasłuh.

Čytajcie taksama:

Andreja Pačobuta pieraviali ŭ pamiaškańnie kamiernaha typu

Zatrymali błohiera Arsienija Kuźmienčuka

Zatrymanaha ksiandza Antonija Adamoviča asudzili za raspaŭsiud ekstremisckich materyjałaŭ

Kamientary da artykuła