Saudaŭski kłub kupiŭ adnaho z najlepšych hałkipieraŭ čempijanatu śvietu
Pres-słužba «Al-Chilala» abviaściła, što kłub padpisaŭ hałkipiera «Sievilji» i zbornaj Maroka Jasina Bunu.
18.08.2023 / 07:14
Jasin Bunu. Fota: instahram «Al-Chilala»
Pavodle infarmacyi žurnalista i insajdara Fabrycya Ramana, suma ŭhody skłała 21 młn jeŭra. Za novuju kamandu 32-hadovy hałkipier budzie vystupać pad 37-m numaram.
Bunu naradziŭsia ŭ Manreali ŭ 1991 hodzie, ale siamja chutka viarnułasia ŭ Maroka.
Vystupaŭ za reziervistaŭ madrydskaha «Atletyka», «Reał Sarahosu», «Žyronu», u «Sievilju» pierajšoŭ u 2019 hodzie, pravioŭ za kłub 89 matčaŭ, prapuściŭ 93 miačy. Dvojčy vyjhravaŭ z kłubam Lihu Jeŭropy (2020, 2023).
Zorka Bunu ŭzyšła na čempijanacie śvietu pa futbole ŭ Katary, dzie kamanda, u mnohim dziakujučy jamu, dajšła da paŭfinału turnira, staŭšy pieršaj u historyi afrykanskaj kamandaj, jakaja dabrałasia tak vysoka.
U hrupavym turniry Bunu prapuściŭ adzin miač. U 1/8 finału adstajaŭ na nul u asnoŭny i dadatkovy čas u pajadynku ź Ispanijaj i adbiŭ dva pienalci. Jaho pryznali najlepšym hulcom matča. Taksama adstajaŭ na nul u čverćfinale z Partuhalijaj, i jaho znoŭ pryznali najlepšym hulcom matča. Dvojčy prapuściŭ u paŭfinale z Francyjaj i dvojčy ŭ matčy za bronzu z Charvatyjaj.
U «Al-Chilal» užo pierajšli Niejmar, Siarhiej Milinkavič-Savič, Rubien Nievieš, Kulibali, Małkam.
Čytajcie taksama:
U čym fienomien futboła ŭ Saudaŭskaj Aravii, kudy za Ranałdu łamanulisia topavyja jeŭrapiejcy
UEFA nazvała trojku pretendentaŭ na zvańnie hulca siezona 2022-2023
BATE vylecieŭ u Lihu kanfierencyj, a «Nioman» zusim ź jeŭrakubkaŭ