Łukašenka pierakonvaje, što ŭvod vahnieraŭcaŭ u Biełaruś nie byŭ pastanoŭkaj
Maŭlaŭ, jon byŭ patrebny, kab «pahasić miaciež», skazaŭ jon.
18.08.2023 / 07:39
Fota: Minabarony Biełarusi
Uvod bajcoŭ PVK «Vahnier» na terytoryju Biełarusi nie byŭ pastanoŭkaj i byŭ patrebny, kab «pahasić miaciež» 23 červienia. Pra heta zajaviŭ Alaksandr Łukašenka ŭ intervju ŭkrainskaj žurnalistcy Dyjanie Pančanka, piša TASS.
«Tolki varjaty mohuć skazać, što heta była pastanoŭka. Heta ja prapanavaŭ [raźmiaścić «Vahnier» u Biełarusi]. Heta nie Pucin prapanavaŭ. Heta była maja prapanova, kab pahasić hety miaciež», — skazaŭ jon.
Łukašenka zajaviŭ, što «navat z Pucinym nie abmiarkoŭvaŭ», kali prapanavaŭ zasnavalniku PVK Jaŭhienu Pryhožynu raźmiaścicca ŭ Biełarusi.
«Nijakaja Rasija siudy «Vahnier» nie zavodziła», — zapeŭniŭ jon, kamientujučy pytańnie žurnalistki, što ŭvieś miaciež nibyta byŭ pastanovačnym z metaj vyjavić zdradnikaŭ i dla pierakidańnia PVK u Biełaruś dla dalejšaha nastupu na Kijeŭ.
Čytajcie taksama:
Łukašenka raskazaŭ bajku, jak ledź-ledź nie napisaŭ dla Ukrainy kanstytucyju