Pierasadžanyja čałavieku nyrki śvińni pryžylisia i ŭpieršyniu narmalna funkcyjanujuć
Pierasadzili śvinyja nyrki pacyjentu, u jakoha raniej była dyjahnastavana śmierć mozhu, z dazvołu jaho siamji.
18.08.2023 / 07:49
Fota: «Naša Niva»
Navukoŭcam z Univiersiteta Ałabamy ŭdałosia pravieści paśpiachovuju apieracyju pa zamienie abiedźviuch nyrak čałavieka hienietyčna madyfikavanymi orhanami śvińni, piša Bi-bi-si.
Upieršyniu ŭ historyi miedycyny donarskija orhany nie tolki nie byli advierhnutyja, ale i pačali narmalna funkcyjanavać — heta značyć pradukavać maču, čyściačy arhanizm novaha haspadara ad taksičnych praduktaŭ žyćciadziejnaści.
Padrabiaznaje apisańnie unikalnaj apieracyi prajšło acenku navukovaj supolnaściu i na hetym tydni było apublikavana ŭ navukovym časopisie JAMA Surgery.
Choć pakul hety vypadak — adzinkavy, jon daje nadzieju dziasiatkam tysiač pacyjentaŭ, jakija pakutujuć ad chraničnych chvarob nyrak i jakija majuć patrebu ŭ transpłantacyi.
Popyt na donarskija orhany pa ŭsim śviecie mocna pieravyšaje prapanovu. Pa statystycy, u ZŠA z kožnych piaci chvorych, jakija čakajuć pierasadki, dvoje pamirajuć na praciahu piaci hadoŭ paśla pastanoŭki dyjahnazu, tak i nie dačakaŭšysia naležnaha donarskaha orhana.
Stroha kažučy, heta nie pieršaja apieracyja pa transpłantacyi čałavieku nyrak śvińni, jakuju možna nazvać udałaj.
Za apošnija paru hadoŭ takija sproby rabilisia ŭžo dvojčy.
Kab paśla apieracyi arhanizm pacyjenta nie adrynaŭ donarski orhan jak čužarodny, śvinyja nyrki dla transpłantacyi vyroščvajuć śpiecyjalna i «ačałaviečvajuć» mietadam hienietyčnaj adaptacyi.
U łancužku DNK navukoŭcy znachodziać i «adklučajuć» čatyry vyklučna śvinyja hieny (GTKO, CMAH, B4GALNT2, GHR), paśla čaho dapaŭniajuć jaje šaściu čałaviečymi (CD46, CD55, CD47, THBD, PROCR, HMOX1).
Adnak tolki na hety raz daktaram udałosia damahčysia taho, kab donarski orhan jašče i całkam narmalna pracavaŭ, vykonvajučy ŭsie svaje funkcyi, hałoŭnaja ź jakich — filtravańnie kryvi i ačystka arhanizma ad škodnych praduktaŭ žyćciadziejnaści (u pieršuju čarhu krieatyininu).
Čytajcie taksama:
Jak pavodzić siabie pry sustrečy ź dzikimi žyviołami — rajać śpiecyjalist i byvały palaŭničy
U Vialikabrytanii badziažny kot ukusiŭ mužčynu. Toj adrazu zaraziŭsia nieviadomaj navucy chvarobaj
U Radaškovičach adkryŭsia samy vialiki ŭ Biełarusi park papuhajaŭ