У Беларусі жыве больш за 7 тысяч даляравых мільянераў — банк UBS
Штогод швейцарскі банк UBS публікуе спецыялізаваную справаздачу, у якой ацэньваецца дабрабыт жыхароў розных краін. Пра Беларусь аўтары справаздачы сёлета таксама не забыліся.
19.08.2023 / 17:09
Эксперты банка лічаць, што сумарны дабрабыт беларускіх хатніх гаспадарак складае 255 мільярдаў даляраў. За апошні год сума падрасла на 46 мільярдаў. Гэтыя 255 мільярдаў — 0,056% усяго сусветнага багацця.
Складальнікі справаздачы таксама прыйшлі да высновы, што ў Беларусі жыве нібыта прыкладна 7300 даляравых мільянераў (ці 0,1%).
У сярэднім, па іх звестках, на аднаго дарослага беларуса прыпадае 35 тысяч даляраў, пры гэтым багацце 37,3% дарослых складае менш за 10 тысяч даляраў. 56% нібыта маюць ад 10 да 100 тысяч даляраў, а 5,5% — ад 100 тысяч да 1 мільёна даляраў.
Чытайце таксама:
Людзі, якія рэгулярна вітаюцца з суседзямі, маюць вышэйшы паказчык дабрабыту
У Беларусі няма платнай адукацыі, гэта форма сацыяльнай падтрымкі моладзі — міністр адукацыі
На «Полацк-Шкловалакно» прапануюць браць заробак «натурпрадуктам» — ежай і ўласнымі вырабамі