Novuju madel apłaty prajezdu dla lhotnikaŭ aprabujuć u hramadskim transparcie ŭ Minsku
Ekśpierymient pa apłacie prajezdu ŭ hramadskim transparcie pačniecca ŭ stalicy 1 vieraśnia. Pra heta raskazaŭ dyrektar pradpryjemstva «Staličny transpart i suviaź» Juryj Supranovič, paviedamlaje «Minsk-Naviny».
21.08.2023 / 08:37
Novaja madel apłaty budzie ŭviedziena ŭ Minsku ź pierśpiektyvaj raspaŭsiudžvańnia na rehijony respubliki. Čynoŭniki ŭ vyniku chočuć atrymać dakładnyja danyja ab kolkaści pasažyraŭ, na pieravozku jakich raschodujucca biudžetnyja srodki.
Z 1 vieraśnia navučencam dvuch staličnych kaledžaŭ i čatyroch škoł buduć vydadzieny kartki, anałahičnyja prajaznomu biletu, paviedamiŭ Supranovič.
— My vyrašyli pačać ekśpierymient sa školnikaŭ, kab pryvivać im razumieńnie akazańnia transpartnaj pasłuhi. Płanujem z 1 kastryčnika pavialičyć achop ekśpierymientam pasažyraŭ, jakija majuć prava na biaspłatny prajezd, a z 1 studzienia 2024 hoda raspaŭsiudzić jaho na ŭsich pasažyraŭ, — skazaŭ jon.
Čytajcie taksama:
Ad siońnia ŭ Minsku dziejničaje adziny prajazny
«Heta zaŭsiody tak budzie?» Minčanka ździviłasia niezvyčajnamu kantrolu ŭ aŭtobusie