Prezidentka Vienhryi pryjechała na Zakarpaccie
Prezidentka Vienhryi Katalin Novak prybyła ŭ Zakarpackuju vobłaść ranicaj 22 žniŭnia. Novak pryjechała va Ukrainu napiaredadni III mižnarodnaha samita Krymskaj płatformy, pra jaje vizit było viadoma zahadzia, piša «Ukrainskaja praŭda».
22.08.2023 / 10:36
Fota: Zakarpackaja abłasnaja vajskovaja administracyja
Novak sustrełasia z kiraŭnictvam abłasnoj vajennaj administracyi, abłsavieta, Bierahavo i rajona.
Na sustrečach abmierkavali vyniki i pierśpiektyvy ŭzmacnieńnia transhraničnaha supracoŭnictva, u tym liku i tych prajektaŭ, jakija pačali paśla pačatku poŭnamaštabnaj vajny.
Taksama Novak płanuje sustrecca z pradstaŭnikami carkvy, pahutaryć ź siamjoj adnaho z etničnych vienhraŭ, jaki zahinuŭ abaraniajučy Ukrainu, i dziećmi šmatdzietnych siemjaŭ. Paśla hetaha jana adpravicca ŭ Kijeŭ.
Heta budzie druhaja pajezdka prezidentki Vienhryi za čas poŭnamaštabnaj vajny —paśla pieršaha pryjezdu 26 listapada 2022 hoda.
Katalin Novak ličyć, što śviet pavinien pieraškodzić Rasii ŭvasobić jaje vajennyja mety va Ukrainie — u toj ža čas jana suprać taho, kab Budapiešt dapamahaŭ Kijevu zbrojaj, i ličyć sankcyi nieefiektyŭnymi.
U sakaviku vienhierskaja prezidentka zajaviła ab padtrymcy mirnaha płana dla Ukrainy, jaki nie praduhledžvaje pieramohi Rasii i ŭ toj ža čas hruntujecca na «realistyčnych metach».
Čytajcie taksama:
Fond Sorasa całkam zhortvaje dziejnaść u Jeŭrasajuzie
Orban: Pryjdzie čas, kali słabyja narody zahinuć, a mocnyja vyžyvuć