«Днямі пабачыце». Буданаў анансаваў праблемы ў анексаваным Крыме
Кіраўнік Галоўнага ўпраўлення разведкі Мінабароны Украіны адзначыў, што многія людзі на паўвостраве чакаюць вызвалення.
22.08.2023 / 12:50
Кірыла Буданаў. Скрыншот відэа
Кіраўнік Галоўнага ўпраўлення разведкі Мінабароны Украіны Кірыла Буданаў загадкава анансаваў, што «на днях» украінскі народ «убачыць», як у Крыме знішчаюць захопнікаў.
Пра гэта ён сказаў у каментары каналу ICTV на цэнтральнай плошчы дэакупаванага Ірпеня пасля ўзняцця крымска-татарскага сцяга перад мэрыяй горада.
Як адзначыў Буданаў, «ёсць, на жаль, тыя, што вельмі баяцца дэакупацыі Крыма, але ёсць і шмат людзей, якія чакаюць».
«І трэба даць ім упэўненасць, што іх надзеі не марныя. Вось для таго мы і павінны праводзіць такія мерапрыемствы, як Крымская платформа, мерапрыемствы, скажам так, з рухам супраціву на часова акупаваных тэрыторыях. Проста знішчаць акупантаў у нашым Крыме. Што, у прынцыпе, вы бачыце, і на днях яшчэ ўбачыце», — сказаў ён.
Чытайце таксама:
Зяленскі: Не верым, што Расія не захоча вярнуцца