Stała viadoma, dzie na minułym tydni było najśpiakotniej
Dzie ŭ Biełarusi na minułym tydni była zafiksavana samaja vysokaja tempieratura, raskazała namieśnica načalnika słužby mietearałahičnych prahnozaŭ Biełhidramieta Maryna Hryckievič.
22.08.2023 / 18:01
Fota ilustracyjnaje
U minuły paniadziełak, 14 žniŭnia, u Biełaruś pryjšli vielmi ciopłyja pavietranyja masy trapičnaha pachodžańnia, a razam ź imi — haračyja dni i dušnyja nočy. U asobnyja dni tempieraturnyja značeńni na bolšaj častcy terytoryi krainy pierasiahali +30 hradusaŭ.
Samym haračym dniom vyjaviŭsia čaćvier, 17 žniŭnia. U Bresckaj vobłaści ŭ hety dzień pavietra miescami prahrełasia da +34, a na mieteastancyi Vysokaje ŭ Kamianieckim rajonie prybory pakazali 34,1 hradusa.
Nočču minimalnyja adznaki tempieratur vahalisia ad +14 da +22, što, pa słovach Maryny Hryckievič, na 3-9 hradusaŭ vyšej za šmathadovyja značeńni.
Ale rekord, tym nie mienš, pabity hetym razam nie byŭ. Absalutny tempieraturny maksimum — +38,9 hradusa — byŭ u Biełarusi zarehistravany 8 žniŭnia 2010 hoda ŭ Homieli.
Čytajcie taksama:
Śpioka adpuścić u aŭtorak. Zastałosia tryvać dva z pałovaj dni
Va ŭsich rajonach Biełarusi ŭviedziena abmiežavańnie na naviedvańnie lasoŭ