Biełaruska ŭ Polščy danaciła ŭ połk Kalinoŭskaha, ale hrošy nie dajšli. Pa viartańni ŭ Biełaruś jaje asudzili na try hady kałonii
Stali viadomyja padrabiaznaści suda nad palitźniavolenaj Nastaśsiaj Pietračenkaj, jakaja sprabavała pieravieści hrošy pałku imia Kastusia Kalinoŭskaha, ale tranzakcyja nie prajšła. Dziaŭčynie pierakvalifikavali abvinavačańnie, piša «Viasna».
23.08.2023 / 13:07
Nastaśsia Pietračenka. Fota: sacyjalnyja sietki
Jak stała viadoma z sudovaj pastanovy, Nastaśsia paśla pačatku poŭnamaštabnaha ŭvarvańnia Rasii va Ukrainu pierajechała ź Biełarusi ŭ Polšču.
Znachodziačysia ŭ susiedniaj krainie, jana pasprabavała zrabić achviaravańnie sa svajho biełaruskaha bankaŭskaha rachunka praź internet-bankinh pałku imia Kalinoŭskaha pamieram 16,71 dalara, adnak tranzakcyja nie prajšła.
Paźniej palitźniavolenaja vyrašyła viarnucca ŭ Biełaruś, dzie była zatrymanaja. U vyniku jaje abvinavacili ŭ zamachu na finansavańnie ekstremisckaha farmavańnia i pierakvalifikavali abvinavačańnie z č. 1 art. 361-2 na č. 1 art. 14 — č. 1 art. 361-2 Kryminalnaha kodeksa.
Varta adznačyć, što na momant pieraliku srodkaŭ Nastaśsiaj połk imia Kalinoŭskaha nie byŭ pryznany «ekstremisckim farmavańniem».
14 červienia 2023 sudździa Rusłan Caruk asudziŭ Nastaśsiu Pietračenku na try hady pazbaŭleńnia voli ŭ kałonii ahulnaha režymu.
Padtrymajcie palitźniavolenuju: SIZA-3, 246003, h. Homiel, vuł. Knižnaja, 1A, Nastaśsia Alehaŭna Pietračenka.
Čytajcie taksama:
Biełarusy z Polščy danacili Ukrainie, ale ich danaty ŭziali i zamarozili
Byłoha vykładčyka BDUIR Mikałaja Bańkova asudzili da 4 hadoŭ kałonii
Navukoŭca Juryja Adamava asudzili da troch hadoŭ kałonii za danaty