Пад Чэрвенем мядзведзь пасяліўся на кукурузным полі побач з хатамі
Жыхары вёсак Ведрыца, Красіна, Хутар у Чэрвеньскім раёне расказалі, што апошнім часам побач з імі пасяліўся мядзведзь. Ён не баіцца выходзіць да дарогі, а жыве і ўвогуле ў кукурузным полі побач з хатамі.
23.08.2023 / 17:14
Фота: t.me / chervenby
«Сёння дзесьці а палове на шостую раніцы я падвозіў жонку на аўтобусны прыпынак каля «Магілёўкі», — перадае словы мясцовага жыхара Міхаіла Якавіна тэлеграм-канал «Навіны Чэрвеньшчыны».
Па словах мужчыны, мядзведзь хадзіў зусім побач, метраў за пяцьдзясят ад прыпынку. Атрымалася нават зрабіць фота.
Фота: t.me / chervenby
«Ён спрабаваў выбрацца на шашу, але, мабыць, спалохаўся машын. Праўда, пазней людзі бачылі яго і на тым баку, у напрамку Хутара. Так што, мабыць, пералез. Гэты мядзведзь ужо не першы дзень тут туляецца, а адпачывае, хутчэй за ўсё, у кукурузе, якая расце за крамай», — лічыць Міхаіл.
Чытайце таксама:
У Беларусі створаць новую Чырвоную кнігу і выключаць з яе некаторыя віды
Мядзведзь наведаўся ў элітны катэджны пасёлак пад Мінскам
Мядзведзя сустрэлі ў Бараўлянах, за 100 метраў ад жылых дамоў
Як паводзіць сябе пры сустрэчы з дзікімі жывёламі — раяць спецыяліст і бывалы паляўнічы