Na aeradrom Mačuliščy prylacieŭ samalot Ił-76 PKS Rasii — Biełaruski Hajun
Manitorynhavaja hrupa «Biełaruski Hajun» paviedamiła, što bort pryziamliŭsia na aeradromie ŭ 20:55.
23.08.2023 / 21:41
Fota ilustracyjnaje
Heta, pavodle «Biełaruskaha Hajuna», pieršy prylot vajskova-transpartnaha samalota Ił-76 PKS RF u Mačuliščy za apošni miesiac.
Manitorynhavaja hrupa adznačaje, što ŭ hety momant treba ŭvažliva sačyć za aktyŭnaściu ŭ rajonie łahiera PVK «Vahnier» u vioscy Cel, a taksama ŭ Asipovičach i inšych łakacyjach, dzie byli zaŭvažanyja najmity PVK «Vahnier».
Prylot samalota moža być źviazany z avaryjaj biznesdžeta «Embrajer» u niebie nad Ćviarskoj vobłaściu Rasii. Na jaho borcie, jak miarkujecca, znachodziŭsia ŭładalnik PVK «Vahnier» Jaŭhien Pryhožyn ź inšymi kiraŭnikami hetaj uzbrojenaj hrupoŭki.
Čytajcie taksama:
U Ćviarskoj vobłaści Rasii ŭpaŭ biznesdžet «Embrajer», usie zahinuli. Jon naležyć Pryhožynu