Арцёму Лябедзьку далі тры з паловай гады калоніі
Сына палітыка Анатоля Лябедзькі судзілі за «фінансаванне дзейнасці экстрэмісцкага фармавання».
24.08.2023 / 15:06
Арцём Лябедзька
Падчас працэсу мужчына не прызнаў віны і заявіў, што яму зусім няясная сутнасць выстаўленых абвінавачанняў і ён не разумее, за што ён знаходзіцца на лаве падсудных. Арцём даваў паказанні ў форме адказаў на пытанні дзяржаўнага абвінаваўцы, піша «Вясна».
Арцёма, сына палітыка Анатоля Лябедзькі, затрымалі 28 сакавіка і потым двойчы асудзілі на 15 сутак арышту. Пасля супраць яго завялі крымінальную справу і змясцілі пад варту.
Суд над ім пачаўся ў панядзелак.
Чытайце таксама:
Палітзняволены Арцём Лябедзька не прызнаў віны
«Хацеў жыць на роднай зямлі». Сына Анатоля Лябедзькі ўжо больш за два месяцы ўтрымліваюць у турме
«Прапаноў адкупіцца не было». Справу сына Лябедзькі хутка перададуць у суд