У Віцебскай вобласці на таргі выставілі ўчастак чыгункі
Прыкладна за 208 тысяч рублёў у Віцебскай вобласці любы ахвотны можа набыць сабе невялікі ўчастак чыгункі. Яго на продаж выставіла Чашніцкая ПМК-71.
24.08.2023 / 17:18
Згодна з аб'явай, на таргі выстаўлены адрэзак чыгуначнага пад'язнога і павышанага шляху працягласцю 285,6 метра.
Гэтвя каляіна былі пабудаваная ў 1991 годзе. Разам з адрэзкам чыгункі прадаецца права 99-гадовай арэнды зямельнага ўчастка плошчай 0,4921 гектара.
Пачатковая цана лота складае 207 942 рубля 2 капейкі. Акрамя таго, новы ўладальнік чыгункі павінен будзе выплаціць 5218 рублёў 47 капеек за падрыхтоўку лота да продажу і афармленне дакументацыі.
Таргі будуць праходзіць 1 верасня ў будынку камітэта «Віцебскаблмаёмасць».
Чытайце таксама:
Машыніст электрычкі Стоўбцы — Мінск раптоўна памёр на працоўным месцы падчас руху цягніка
Германія перадумала наконт вадародных цягнікоў
Жыхару Камянца далі калонію за пашкоджанне чыгункі каля польскай мяжы
Пуцін прапанаваў пабудаваць паміж Масквой і Мінскам хуткасную чыгуначную магістраль