У Беларусі будзе прадавацца яшчэ адзін расійскі аўтамабіль
Расійская аўтамабілебудаўнічая кампанія «Солерс» мае намер вывесці на беларускі рынак свой лёгкі камерцыйны аўтамабіль Sollers Argo, паведамляе Office Life.
24.08.2023 / 20:40
Фота: Twitter
«У Рэспубліку Беларусь мы плануем пастаўляць аўтамабілі Argo, плануем арганізаваць дыстрыбуцыю ў гэтую краіну», — заявіў дырэктар па продажах і маркетынгу кампаніі «Солерс Алабуга» Марат Шарапаў.
Sollers Argo — кампактны аўтамабіль для гарадскіх перавозак з поўнай масай ад 2,5 тоны, грузападымальнасцю каля адной тоны. Аўтамабіль мае рухавік класа Еўра 5 аб'ёмам два літры і магутнасцю 130 конскіх сіл. Грузавы адсек аб'ёмам 9 кубаметраў месціць да чатырох еўрапалет.
У Беларусі раней прадаваліся фургоны Sollers Atlant. Афіцыйным прадаўцом гэтых машын быў дылерскі цэнтр «Атлант-М Баравая».
Чытайце таксама:
Які транспарт будуць забіраць у беларусаў падчас мабілізацыі і ў ваенны час
Абноўленая Lada Vesta, новы брэнд з Ірана і Кітая. Бюджэтныя аўто ў беларускіх аўтасалонах
Расіяне перасталі ехаць — і наступіла зацішша. Як аўтабізнэс перажывае лета-2023