У Расіі зносяць магілы загінулых вагнераўцаў
У сацсетках з'явілася відэа, на якім відаць забетаваная тэрыторыя на месцы былых магілаў вагнераўцаў
25.08.2023 / 15:46
Могілкі вагнераўцаў у сяле Нікалаеўка пад Самарай. Фота: 63.ru
На відэа мужчына ў майцы з эмблемай ПВК «Вагнер» дэманструе, што ў сяле Нікалаеўка Волжскага раёна Самарскай вобласці на могілках прыватнай вайсковай кампаніі «Вагнер» замест былых магіл — забетаваны ўчастак. Крыжы і вянкі з магіл складзеныя за межамі могілак, працуе тэхніка.
Трывогу забілі і мясцовыя жыхары. Але, як пазней высветлалася, улады плануюць перарабіць могілкі, дзе былі пахаваныя «музыканты», у своеасаблівы мемарыял. Тэрыторыя стане роўнай, залітай у бетон. На месцы кожнай магілы павінна з'явіцца чорная піраміда.
Праект мемарыялу на месцы могілак вагнераўца. Фота: 63.ru
Могілкі з'явіліся некалькі месяцаў назад. У сакавіку 2023 года там налічвалася каля 20 радоў магіл. Пазней побач быў пастаўлены манумент, на адкрыццё якога прыязжаў сам заснавальнік ПВК «Вагнер» Яўген Прыгожын.
Манумент на могілках вагнераўцаў у сяле Нікалаеўка пад Самарай. Фота: 63.ru
Чытайце яшчэ:
Лагер вагнераўцаў пад Асіповічамі дэмантуюць